Brief History of IMPC

Ang Ilasan Multi-Purpose Cooperative ay binuo at itinatag noong Setyembre 1990 ng Labinlimang Incorporators sa pangunguna ng Municipal Agriculturists na sina Gng. Nida Tolentino at G. Salvador C. Amoyo. Ang mga naging kasapi ay nagmula sa mga magsasaka ng Barangay Ilaya at Ibabang Ilasan at narehistro sa Bureau of Cooperative Development noong January 25, 1991 sa ilalim ng Ministry of Agriculture sa pangalang Ilasan Farm Family Multi-Purpose Cooperative (IFFMPC). Dahil sa paglipas ng panahon at pagbabago ng mga pinuno sang-ayon sa inaprobahang resolusyon ng pangkalahatang asembleya taong 2009, ay napalitan ang pangalan, bilang Ilasan Multi-Purpose Cooperative narehistro noong January 10, 2010 bilang pagtalima sa Republic Act 9520 o mas kilala bilang Code of Cooperatives at ng Cooperative Development Authority. Ngayon ay tatlong dekada at tatlong taon na nagseserbisyo at patuloy na yumayabong sa harap ng mga pagsubok at hamon. Patuloy ang pagbibigay ng mga serbisyo sa mga miyembro sa pangunguna ng mga kawani at pagsusumikap ng mga opisyales upang makaahon at malampasan ang mga ito. Hindi natitinag bagkus nananatiling matatag sa pagharap sa mga pagsubok kaagapay ng mga miyembro at komunidad sa mga nagdaang taon pagsubok kung saan ang buong mundo ay nagulantang dahil sa Pandemya dulot ng COVID-19 noong 2019. Subalit, ang ating kooperatiba ay isa sa mga sandigan kung saan ang sama-samang pagtangkilik at pagtutulungan ng mga kasapi ay naging daan kung kaya’t tumibay ang bigkis ng samahan ng ating kooperatiba. Hindi naging hadlang ang pandemya at nagkamit pa ng mga pagkilala ang ating kooperatiba mula sa Provincial Cooperative Development Council para sa “Gawad Bayanihan Medium Scale Cooperative” bilang Most Outstanding Medium Scale Cooperative sa buong Quezon Province noong Nobyembre 19, 2019. Noong taong 2023 nakatanggap rin ng Gawad parangal mula sa Tayabas City Development Council (TCCDC) para sa Most Outstanding Cooperative at ang ating butihing Tagapangulo na nagkamit ng Most Outstanding Cooperative Leader at iba pang parangal. Ito ay pagpapatunay na ang IMPC ay nagsisikap at handang makisabay sa larangan ng negosyo sa makabagong panahon. Sa matinding determinasyon, pagsusumikap at sipag ng mga kawani, opisyales at ng mga miyembro ang IMPC ay mag-iiwan ng magandang pamana sa mga susunod pang henerasyon.